غربة
غربـــــــة
إلى كلّ مغتربٍ ينزفُ وريدُه ُوطناً...
د. محمود إسماعيل خليل
بيريد ربــّك
أو إنـِتْ بتريــــــــد....
كلّ الدّروب بهالمدى
بتساعْنا وبتزيــــــــد....
يا ما
بْعتــِّلـَّك رسايل
و الـ ْ وصــِل منها قليــل
و تْكفــّن بحبر الورق
ســاعـي البريــــــــد...
بيريد ربـّك
أو إنـِتْ بتريـــــــــدْ...
أضيق جرح بـِ غربـْتك
ينزف صديـــــــــــد...
صرلي زمان
وغربتي مبارحْ
و الســّفر مبضعْ
بخـْبـَرو جارح...
و القلب
مهما يوصَلو مْكاتيب
شـوق الرسـايل نار
والغربة حديـــــــــــد...
يا ليلــْتي
يا هاكْ الصبيـّة
الـْ شعرها ليلين
ليل انصرف......
ليل اندفع بالدَّيـْن
يا غربتي....
توضـّى الليل
بكحل عينيها
و يا شعرها المرخي
على كتاف العمر و يطــُول...
لو تعرفي ...!
شِعر الحزن
متل السـّواقي الـ ْجارية
بـْ بـاب الوريــــــــــد...
بيريد ربـّك
أو إنـِتْ بتريـــــــــــد...
أظغر مساحة بهالوطن
بتساعنا و بتزيـــــــــد....!