ليــل الوجـــــع...

ليــل الوجـــــع...

 د. محمود إسماعيل خليل

شو إنتْ...

يا ليل الوجع..؟

شو ذكــّرك فيـِّيّ..؟

بْعلمــي تـْركتـك

نايم و غفيان

صدفة صرتْ خيــِّيّ..

عشت العمر

إحلم بيوم تفيقْ

و بكــّي عيونك ألف سهريـّة

لا صرت عَ خدّ الزّمن

دمعات..

و الّلي بكي بهالّليل عينيــِّيّ..

بْتذكر شمسْنا

الغافية تحت السـّجر

نشوفا صبيـّة حافية

و شعرَا عطر..

مدّيت إيدي

كنت مفتكرا غمر

يوما غفيت وضِحكِتْ عليـِّيّ..

و مشوارنا بهاك الجرد

مع باقة بنيـّات

شفافن متل زهر الكرز

عم تقطـْفا النحلات..

يعبـّوا جرارن بالوما

و يحوّشُوا الغيمات..

صاروا متل قوس القزح

ما بيطلعوا إلاّ

بصحوة شمس

من عزّ شتويـّة...!

شو إِنتْ

يا ليل الوجع

حمـّلتك خباري..؟

بير الغميق انتلى

و ما خِلصِت سراري..

كنا أنا ويـّاك نروي خبار

و تخمين كانوا خبارنا مِيـِّـة..

بَدَل الحكي

إِنتَ انتليت حجارْ

و صرنا أنا ويـّاك خبريــّة..!

و آخر حكي

بليل الوجع بوسة..

بطعم الدّفا بِـ عزّ برديــّة

تنيناتنا كنـّا بآخر روح

نرجف قصب

من مَسّ جنـّيـّة..

لا إِنتْ

بِـ وعيك كنت صحيان

و لا القلب

واعي عليك يا بيــّيّ..!

11/3/2009