يــــا حِـرِّيِّـة

"يـاحِـرِّيِّــة ... وَينِـكْ ردِّي"
عَــمْ إنْــدَهْـلِك صَـرلِـي مِـــــدِّة
بَلْكِي بيرجَعْ ... صَوتي لَـيِّـــي
مْــعَـوَّدْ صَوت اللـــــيل يـوَدِّي
"يـاحِـرِّيِّــة ... وَينِـكْ ردِّي"

*****
راحِـتْ راحِـتْ ... ماسِـمْعِـتْني
فيـها ولا مَــرَّة ... جَـمْعِـتْـــني
نايـم كِـنت ... وما وَعِّـتْنــــــي
وتـَـركِتْـني ... بْـلَيـلة مِسْــوَدِّة
ودْموعي ... تِـنْـزل عاخَــــدِّي
"يـاحِـرِّيِّــة ... وَينِـكْ ردِّي"

*****

شاعِـر بَـدِّي ... إنْـظـُمْ فِـكْـــرَة
تْـوَعِّـيـنا ... مِــن آخِـر سَـكْـرَة
حتَّى ان مَـرّْ ... عْـلَيِّي بُـكــــرا
خَـلِّي جْـبـينو ... شِــعْـر ينـَدِّي
مِشْ عابر ... يمْرُقْ من حَـدِّي
"يـاحِـرِّيِّــة ... وَينِـكْ ردِّي"

*****

مِن دُونِـكْ ... شُـــو إلنا قِـيمِـة
مِتْـلِ الشِّعـر ... بْـلا تِرنيمِـــــة
ومِتْـل الصَّحْرا من دون دِيمِـة
عَـم تِكْـويها .. الشَّمس الحَـدِّة
وما في طـير ... عْـليها يهَـدِّي
"يـاحِـرِّيِّــة ... وَينِـكْ ردِّي"

*****

فِـتَّـشتْ عْـلَيكِي ... بــالغِـربـِـة
قِـلت:عْـلَـوَّا , تْـكوني بْـقِـربي
عْـلَيّي رْجِـعْـتِي مِتْـل الحَـربـِـة
لْ كانت عِـندي وصارت ضِدِّي
وإلاَّ بْـصِـدري ... ما بـِتْـهَـدِّي

"يـاحِـرِّيِّــة ... وَينِـكْ ردِّي"
*****

رْجِـعْـت ... ودَمْعاتي بْعِـينـَيِّـي
وصـابيعِي ... طارو مِن دَيِّــي
إنْـدَهْ إنْـدَهْ ... يـا حْـرامِيِّـــــــة
سْرَقتو النِّـقـْطة عِـيفـُو الشَّـدِّة

"يـاحِـرِّيِّــة ... وَينِـكْ ردِّي"

*****

وحْـيـــــاتِـك ... مِـنِّـك مابَــدِّي
إلاَّ ... لمَّا تْـــروحِي تْـسـوحِي
بـِعْـطِـيكي ... قلبي مع رُوحي
عا جناحِـك .. وَدِّيني ورُوحي
وهَـدِّي مَطـْـرَحْ ... ما بـِتْهَـدِّي

"يـاحِـرِّيِّــة ... وَينِـكْ ردِّي"

2004 - من كتاب نبيد وجمر وشفاف– عن موقع "مشتاوي" – اقتراح د. إياد قحوش