(الختيارْ).... الجبــــلْ
(الختيارْ).... الجبــــلْ
د. محمود إسماعيل خليل
شاب الشــّعرْ
عَ لـِجــّة جبينو...!
و سيف العـُمرْ
يمـْرُق متل منشــــــــــــار....
حامل عَ كتفو الشمس
و من ميل البحر
يطفــّي لهيب الملح
خدّ النـــّـــــــــــــــار...
و لمـّا هدير الرّيح
بيطفــّي الضـّجـــرْ
بيغصّ جوع البحرْ
بالأسرار...
و بينحني
قرص الشــّمس بالمـَي
تَ تخلق الأحلى
بتاني نهـــــــــــــــــار....
و انزاح شال الغيم
عن كتف الســّما
و زيتون عَ خصرو
و لفّ الخصر زنــّـــــــــــار...
فاق الصــّبح
عَ بحــّة النـّايات
شمــّر عن الإيدين
وغســّلن بالنــّور
و حدّ المدى
توســّد رملْ و حجـــــار...
ناديت: يا عالي
متل خط ّ الســّما
يا منبع الحكمة
يا حارس الأسرار
إنتْ ناطور الوقتْ
إنتَ المسافة تعتـّقت بجرار
وحدَك على مرّ الزمن
باقي...
و كلّ البشر
بــِ حضرتــــــــــك زوّار.....!