رح خبّرك ( اعتراف )
رح خبّرك ( اعتراف )
الشاعر(الفنان) كالعصابي ينتقل من الواقع إلى دنيا الحلم
يحلـّق إلى أقصى طبقات السّحر برشاقة الفراشة ولكنه
يعرف كيف يقفل راجعاً إلى واقعه الذي يعيش...
د. محمود إسماعيل خليل
رح خبّرِك .....
عندي
كلام كتيـــــــــــر.....
الليلة
أنا ضيفـِك
وشو بْتإِمري
بيصيـــــــــــــــر.....
* * *
بيوت الهوى
شعري
شبابيـكها فراشات
تنسج
حروف الغزل
بعيونك وبتطيــــر.....
* * *
رح خبّرك....
الليلة أنا
مغروم فيكي
ومشغول فيكي
بلا وعي وتفكيـــــر....
* * *
عم تسألي
عنّي...؟
عاشق إبن عاشق
وبالحبّ
عندي مدرسة
طلاّبها مخاتيـــر....
* * *
منهن أبو نوّاس
بالخمرة حِكي
وبْلا نظرْ
بالحبّ
بشّار الضّريــــــر.....
* * *
ومنهن نزار
الـ دوّخ
بشعرو الدني
وبـ رقّة
الألفاظْ أخطلنا الظغير.....
* * *
وقلبي
خفق بالحبّ
من ميّة سنة
وترجم لميّة لغة
دواوين حلوة كتيــر....
* * *
كلمة بحبّك
ألف مرّة
قلتها
لغيرك ....... إلك
بيساع....!
قلبي كبيــــــــــــــــــر.......
* * *
غاوي
كذب بالحبّ
من فجر الدّني
و المشكلة
يا حلوتي
إنو الكذب حبلو قصير.......
* * *
عايش
بدنْية حبّ
بْيوتها سحر وجمـالْ
وقلبي
غفي فيها
على مْخدّة حريـــــــــر.......
* * *
ياما
سكنت قصور
ما في متلها بهالكون
وقلبي ع َعرش الحبّ
نصّبتو أميــــــــــــــــر........
* * *
ويا ما عَ ضوّ
سْراج
عم اكتب غزل
و حولي
قلوب مجمّعة
بغرفة فقيــــــــــــــــر.........
* * *
ويا ما رفعت
قلوب
بالحكي الحلو
وياما مخلّي
قلوب فيّي تطيـــــــــر.......
* * *
واليوم
شفتِك وتْركت
قلبي معك
وقلبي إلك
وحياة عينك والمصير.........
* * *
بس اغفريلي
مْن المضى
كلْ شي مِضي
ومَحـّي الحكي
اللي انقال
من عاشق أسيــــــــــر.........
* * *
الشاعر
بشعرو
بيقطف نجوم الدّني
بيحلّق بهالكون
وبينشر عبيـــــــــــــــــر..........
* * *
الشّاعر
متل نحلة إلا
كل الورود
وكل الورود
بتشتهي
يزورا القفيــــــــــــــــــر......
* * *