حطـّـاب الشـِّـعر....!

حطـّـاب الشـِّـعر....!

د. محمود إسماعيل خليل

أيضاً وأيضاً إلى روح الغالية إيريس نهري،

عـلّ الشعر يخفف عنها ثقل ضيق غربتها.

لمــّا نحيب العاصفة

بيهدّ إيدين الضـّجر....

و بـْـتـنشف حروف البكـِي

فوق الـكتاب...

بعـْصُر قوافي الغيم

تتشتـّي حزن

و بـْصير لـَشروش الشّـِـعرْ

حطـــّـــاب.....

و لمـّا القمر

بيعربش بـْليل العيون

بتمشي

على طراف النـّعس

تـَـتـْـفيـّقي الأحـــــلام.....

بـْنفـِّض عن تْيابي

الوجع و الرّيح

و بلـْبس العـُمْر

مطرّز بإيـّــــــــــام.....

ولمـّا الدّمع

سقسقْ على الكحلة

بيمرّ قوس القزح

هون.... و هون

و تلوح حبـّات الشتي

بعيونها و مكحـّلة

مين اللي قال:

المطـر مـالـو لـــــون...؟

و لمـّا بتجي

من فسحة الأشواق

وهج الدّهب

بيرنّ بخـروصـــــــــا...

و كلما احترق

جسمي بنار الحب

و شرقط متل فحم الحجر

بالكور...

بيحن قلبي لْمطرقة حدّاد

و بتطير روحي

متل طقصـوصـــــــة....!

15\6\2008