سهران يا قلبي .....!
سهران يا قلبي .....!
الدكتور محمود إسماعيل خليل
دائما لروح إيريس الغائبة الحاضرة
ولكل قلب أحبَّ إيريس....
الشـّبـّاك ....
عَ حدود القمر
وْضوّ القمر غِفـْيـان ع َالعتبة
وأنطـُر أنا والليل
ع َفراش الضـّجر
غيمة دفـا
وبْقول ما بدّي....
ويمكن أنا بــــــــــــدّي
وحْرام
من لون السّهر مغـزول
من كتر ما نشـّف دمع
صـار بدمع مشغــول.....
مدري أنا والليل
عم ننـطر قمر
مدري القمـر مرســوم ع َمخــدّة....
سهران يا قلبي
متل فانوس ....
عم بينوس
وصوتا متل غصّة بشبـــّاكي
متل الصّـــدى
بيدق عالحيطان...
وما في حدا يسمع
يا قلب ويحاكي.....
يا ما نصحتك يا قلب
بطـــِّل عشق
لون العشق أحمـــــــر....
وإنتا مِتِل إبْريق
عم يجْمع وجع ودموع
ولونك حلو
وطعم الوجع سكّـــــــــر
عَ البال
يا خصلة شعر عَ جبينها
ياما عيوني تمرجحـوا
وقــــــــــــــــلبي
ويا ما تخيّلْت الدّني
موجــــات
وإنتي المسافة
والسّما دربــــــــــــي
يا ليل ...
يا غفيان
عَ بواب العشق
يا ريت.....
يا ريت
قلبي النوم
وتْكون الحلم
ونْرشّ عَ جفونا
غفـا تـَتـْنـام
ويغفا القمر
عاوجه المْخـَــــــدّة .....!