|
عَ غيبتــِك ....!
ما في حكي
نام المطر
ع َحفــّة الشّبــّــــــاكْ...
و طيْر السـّنونو
عشعش بقلبي...
يا ريت ب ِقلبي وعي
لنســــــَــــاكْ...
و بغيبتــِك...
نشِف الدّمع
بطــّل بكي
و عم يهرب
العشب الطــّري
من بين صابيعي
و بيمــوج لَ آخر عشق
دربي
يا فرحتو بملقـــَــاكْ....
و بغيبتــِك ...
عمري انتهى
و شمس الإلي
تعبان....
كيف بردّها لصدري...؟
و بتعرفي حالِك
يا بنت الروح
يللي الصّبح...
عند الضّهر....
بعد العصر....
بتنفــّسِك...!
و يلـّلي عيونك
ضوّ لشبابيك عينيـّي
بمْحـِي الصـّور
بـلغي البشر
بيعبـّق بقلبي قمر
يا ياسمين الرّوح
يللي الروح من بعدك خبر...
يا كوخ ع َضفـّة
قلب...
يا جنينة الأحلام
يا لون العشب...
لو تعرفي..؟
هالسّنديانة
كتير تعبانة ...!
و إنتِ بْعيدةِ
بَسّ مْغلغلِة فيـّي..
متل الوجع
بيغلّ
بحفاف الجرح
و ناطر أنا هالصـّيف
عَ خصلة عنب
و القلب مستنـّاك..... | 