درويش...

بحــبّك...

شو بَعْــمِل

هالقلِب درويـــــــشْ...

ما بْيِرتِشي

وْلا بْيِقبل البقشيـشْ...

وْبعـْدِك بتحكي

بْسيــرة الخِطْـبِة...!

غْرام الدّهب

شـاطِح عن الْعَتْبِـة..!

صار الفقير

بكــارْ* اْلِمـْحبــِّة             

مَـتْـليكْ ** حَـقــُّـو              

بْسـوق اْلِطرابيــــشْ...!

مْوظـّف بسيـط

وْبنطر بْشوق وْقهِرْ

راتِب ما بيْكَفـّي

لآخـر هالشّـهِر

بدِّك ؟... تَعـي نِسْكَـر

مِنِ خْوابي الفِقِـرْ

حُبّ الفقير بْيِشْبَه التّحْشيش...!

لا بيْتْ عِندي

لا تَخِتْ... لا سْريرْ

بِزْرَع قَمِح

يِطْلَع بِأرضي شْعيـر...!

وْيوم الـْ بيمِرّ

بْـلا شَقـا وْتِعْتيـر

ما بْيِنْحِسِبْ

مِن عِمِر اْلِدْراويش...

وِمْغَنــّجِة إنتي

وْأنـا مَدْيــون

بِنـْطُرْ شَهِـرْ

تـَ يْـفُـوت عِنْـدي زْبـون

عندي قلب

رح قـَدّمو رَعْبـون

بكرَة إذا سْكـَنْتي

تبقِي افْرِشيـه بريـــشْ...

 *    (الكار: الصنعة)

**    (المَتْليك: عملة قديمة رخيصة)