لوحة خريفية بعز الصيف
جَنّ الْفــَــضَـا
والرِّيـح بِسْـحـــابُو
وْعَرْبَدْ الطَّقْس وْشَلَّـخ تْيـــابـــو
والدَّمع لِبْسُوا وْلَبَّدوا الْغَيـْــمات
وْلَوْحَـة خَريفِيِّـة
بِالصّيف صـابـُـو
وْكَرْجوا عن خْدُود السّما الدّمْعات
وْفَصْل الصّيف كَشّر عن نْيـَـابُو
وَدَّى الرّعد يِعْطي الْبَرِقْ وَمْضات
الْهيئَة الشِّتِي
بـَكّـر فـَتـَح بـابو
وْعقْدوا نْجُـوم الـْ بـِ السّما جَلْــسات
تايَعِرْفُـوا لِلطَّقْس أسـْـبـابـُو
وْأجْملْ مَنـاخ بْهالدِّنـي بالذَّات
وَدُّوا على لبــــنان بِجْوابـــُو
وْقـالوا بْعَثْنا عالفــــور ورْقات
نْجـوم الأرض لبـنـان بِتْرابــو
دِغْري ساعِتـْها
تْجَمَّعوا الأرزات
وْنـادوا فْصول الأرْبَـعَة قطابـو
وِتْداوَلُوا بِالأمْر بِالســــَّاعات
وْطِلْعُوا بْنَتيجْة الْحَاسِب حْسـابو
بْميشال حَايِك إرْفـَـعوا الرّايات
تْنَبـَّأ: زْيارَة
رح تزور الصيف
إمُّو وْعم بْتِبْكي عَلـَى مْصـابو
***