لبنان يامهد الكرامة

يالبنــان

يـامهْد الكـرامِة

إلِك بالشِّعر فـائق إحتِرامي

وْإلِك مِنِّي وْمِن أعمــاق فني

تحيِّة صادْقَة بْشِعْري وْكلامي

ماغِلِط إللِّي حِكِي وْعنِّك مغنِّي

*****

وديع بْصوت صافي وخير خامِة

بْقطعَة مْنِ السّما عَ الأرض جنِّة

فيها شبهك نال العلامـِة

وْأنا شو بشبهك بالشعر منِّـي

*****

وبعد ماعْرِفِتْ فيك الإبتسامِـة

بوقت اللّي خْلِقِتْ مِن زِغِرْ سـِنـِّي

*****

وبسمع فيك دايِر حرب دامـي

وْرغم نار الأسى فيك المسنـِّي

وْرِزِق الآدمي وْنهْــب الحرامي

شعبِك قسَّمو شيعي وِسِنــِّـي

أو درزي ومسيحي بالأسامي

عْرِفْنا الْقَسَّمونا مين هنِّي

وْهدفْ تقسيمنا لْيَوم الْقِيامِـي

حسب رأيي وحسب مفهـوم ظنِّي

الكراسي تْحـافظ عليها الزّعامـِة

وانا المحايد وْمَعْروف عنـِّي

سالِك عَا دْروب الإستقامِــة

لامِتْعَصِّب وَلا بْنَرْفِزْ لأنـِّـي

سِوى لبنان مابْتِمْضي قْلامــي

وَلا أخبارْنا الْفيها تَجَنـِّي

بْتِجْذِبْني بْخِطاب الإنتِقامِي

وْ لَهَا الأسباب في عندي تمنـِّـي

الشعب يِتْوَحَّد بْلبنان واحــد

لأنّو التّفرِقَة ضَدّ السّلامِة