أنا وسهران

مْبارِحْ

أنا وْسَهْران

شِفْت الْعَتِمْ ألـوانْ

طيف الْحبيبِة بْشوف

بِيْدِقّ عَ الشّبَّـاك

بِفْتَحْ إلو

ما بِسْألو شوباك

وْلا بْريدْ سِرُّو بُوح

وْإفتحْ جعَب الِجْروح

وْفَيِّق زمان الْكـــان

 *

قَلِّي أنا الْمَجْروح

وْوَحْدَكْ حبيب الرُّوح

يابحْر أحْـزاني

اللِّي فيـك غِرْقـاني

اْنْ حِبَّيْتْ تِسْهَرْلَك قمر عنِّي

احْمِلْني قصيدِة بْتِمَّكْ وْغَنِّي

حْكايِة أنا وِيَّاكْ

لا تِفْتِكِرْ بِنْسـاكْ

اْنْ خِلَّدْتْ فيك الأرْز

بْكِنْلَكْ سِنِدْيانِي

وْإيـَّـاكْ تِـنْسـانـي

مْنِ البـالْ ما بِتْرُوحْ.

 *