تأمُّلات

لمَّا الرَبيع بْيِنتهي فيكي

وِغْصون شَجْراتِك بْيِتْعَرُّوا

كلّ الوْراق بْتِقْشعي هَرُّوا

بْيِخْرُقْ صباح الخير بِالْقِرنِة

بْيِمسي مْتَشْرِنْ عمِر قاهِرْني

وْشو رَح بْيِنْفَع بعد إفْديكي

*

أوعي لَحالِك دَبْدَب تْشارينْ

وْمِنْخاف يِبْدى بِالْمَشي بَكِّير

إنتِ وْأنا مِنْخَتْيِرْ وْمِنْصير

شَوكِة بَدال الْفِلّ والياسْمين

*

بْيِخْرُق صباح الخير بالفَرْشِة

وْثلثين عُمْرِك بالْهَجر بيرُوح

وْلا ألفْ نَهْدِة رَح تْرِدّ الرُّوح

تْقولي لَحالِكْ آه مِنِّكْ يادِني

وْيا ألفْ رِزْقالله عَ عُمْر الْوَلْدَني

وْنِقْعُدْ عَ دَوشَكْ مِتِل قَعْدِة غُمُرْ

يَمَّا عَ طِرّاحَة بِآخر عُِمرْ

مهما يْقولوا حبّ

لا الْهِرْش راجِع شَبّ

وْلا صَبِيِّة بْتِرجَع الْهِرْشِة.