الفستان

ذوقكْ حلو....

مبروك هالفستـــانْ

أخضـرْ...

متل حبقات هالبستــانْ

محتـــار

كيف الزّنبق بيحملْ

تحت الستـاير حبـّة الرمــانْ....!

الْخيطــان مشغولة بْحرير قْلــوب

متل الشـّمع.. مِن لَهِفْـتـو بيـدوبْ

ضمّ الخصر تـايسرق اللفتات

مْنِ عْيـون عـاشـق مِسْتِحي وْخجلانْ

وْجَوز الحمـام عْلى سَطِــــح مَرْمرْ

عَمْ يـِنْدَه الْعِرْوِة

والـزّر مِتْسـَــكّرْ:

افتحلي القفصْ

محبـوسْ بـَـدّي طِيــر

بـَلـْكي هديـْلي يْفَيــّق الْغِفـْــيانْ

وْشــال الحرير الـْ غِفِي عَ كـتـافِكْ

نِيــّال قـَلـْبو بْجيـْرْة شْفـافِـــكْ

الفستـــان

سِجـَّـادِةْ صـَلا

وِالشـَّـــال مِحْــرابـي

وِالقـَلب..

نـاسـِك زاهـد وْنِـدْمــانْ

يــا ريت إيْـدَيـّـي إلـِك زِنـــَّـارْ

يِمْكِن إذا شـِفْتـُو مِن بَعْدهـا

ما بْغــارْ

جِنـَّـيت

لـِـمِّن شِفِتْ عا خِصْرِك حـدا

ضْحكـْــتي وْقلتي:

رُوْق يا بُو جْنــــــانْ