خلّي الوصل بيناتنا مكتوب

خلّي الوصل بيناتنا مكتوب

باسم قبّاني

حملتك بإيدي زهر... قلتي خطيّ

قاسي أنت..  خلّـي الورد بالميّ

رجّـعتك عَلى بيـتك  وفلـّيـت

قلتـي  البدر ما عـاد زار الحي

رجعتلـّك بْقلبي اللّـي عم ينهـار

و ت يْعيش قلت بيحِمْلِك لو شويّ

قلتِ  ما بقبل عيـش لنـّو نهـار

بِقلْب  نِصـُّـو مـات نصُّو حي

بعيـني قلِت  رح إحملـك دمعة

بسّ فْزِعت ما تكرجي عْلى الكي

ومـا توقعي إلا بقلـب نبـعـة

وغيري يجي يـدوقك بكاسة مي

مشتقـلـك وشـوقـي بهالايـام

بشوق العِمِي تَ يشوف لمعة ضيّ

وبْشـوق لـوحـة تقشع الرسّـام

وشوق الكرم  ت يعـود حاتم طيّ

وحيث اللقا صعب وت نبقى ندوب

ونْـلـبّسـو للحـب أجمـل زيّ

خلـّـي الوصل بينـاتنا مكتـوب

ميّ دابـت هيـك فـي جبـران

وجبـران كان يدوب هيك بْ ميّ.