سوزان.. لمّا بْتِحكي

سوزان.. لمّا بْتِحكي

مفيد مسُّوح

حَكْيِِـك.. لو نـزّل دمعــة

وْزَغـَّر فتحة أحلـى عيـن

بْيبْقـى بْهـالعتمِـة شمعـة

تضوّي السّاحة عْلى الميليـن

ولـو طـوّل يـوم الْجِمعـة

بين السّبـت وبينـو، الدّيـن

بْيتـْقسَّط: ومْضـَة ولمْعـَة

وياسميـن مْعبّـي الكفـّيـن

وتِشـْمـخ بالضّيعة السّمعـة

جـْرار... بْتِتْغـزّل بالعيـن

وتحت الياسميـنـة الْجَمعـة

جـوقـة حبّ اتْنَيـن اتْنَيـن

مْواويـل ونغْمِـة وطمْعَـة

بْكمشـِة من الأبيض نوعَين.

****

حَكْيِكْ صـورة إلهـا جْنـاح

مْنسمَع.. وبْتِحكي الصّـورة

بتـاخِدنـا.. متـْل السّـوّاح

وْبتْـفـرجيــنا المعمـورة

الِكْـواكِـب: شجـرة تفـّاح

تْـنِـخّ لْعِطـر المنـتـورة

الِنْجـوم بْـتنْـزل تِرتــاح

بْحِضْـن بْنـَيـِّة مسْحـورة

وْلو هالْعتْمـة ما بْـتـِنـْزاح

بْـتِـضوي السّهرة القَمـُّورة

والصّبح الـْ عا صوت صْياح

دْيـوكو تْفيـْق الحاكــورة

بْيِتْأخـّر تـَ تْضَـلّ جـْراح

اللّـيـل بـْقلبـو مطمـورة.

****

حَكْيِـكْ بسْمِـة للزّعـْـلان

تْعافيـلـُو قلبـُو المجـْروح

تْـراضيـه وْيرْجـع قِنْعـان

بْأحــلام تْـرِدِّلـُّو الـرُّوح

ولـو كـان المـوقِد بـِرْدان

والمِجْـوِز صوتـو مبْحـوح

والبيـر مْنـَشِّـف عطشـان

وبـاب الحلـوة مِشْ مفتـُوح

بتْطلِّـي: لـولـو ومِرجـان

وياسمين الـْ عَ الدّنيي يفـوح

وْ عَ البسمة تْحِطّـي عنـوان

اللّي بْيـوتُن أجمل الِصْروح

تْـاج العيـلـة يـاسـوزان وإنتي الضّـو يْشعـْشِع حبّ

بْيحمي الدّنيـي بْمركبْ نوح.