صباح الخير

صباح الخير

مفيد مسُّوح

إلى نضال،

رفيقة رحلاتي حول الشمس

وأنا أشرع في رحلة جديدة

مش صِبِحْ

هالّلي مو بْعَيْنَيكي ابتدا

يفرش طريق الشّمس

عا أوسع مدا

يْدغْدِغ دلال الورد

ويخلّي الحرير

طرحَة

لـْ جَناح الحلم

بِبْحور الصّدى.

*

مش صبح

يالّلي مو بْصوتِك للحبيب

رنْدَح:

"صباح الخير.. فاق العندليب"

وْ عَ الوجه بسْمِه

فْطور لـَ قلبو

وْصلا

تْلوِّن وْراق الحبّ

بنْهارو الخصيب.

*

ساعِةْ مَ بتْطلّي

الزُّهور بْتِنْتِشي

وْنَحلات بستان الجمال

بْتِرْتِشي

وقلبو الّلي ناطر طلّتِك

يركُض حفا

متل الـْ عَ سطح الميّ

من قوتو مِشِي.

*

وانْ كان غيمة

جنْب شبّاكو

ارتمِتْ..

حجْبِت عن عْيونِك عُيونو

واعْتمِتْ..

بِيْكَسِّرا

بْنفْخِةْ صدر زادو الوفا

وَحْدا

جْرار الحبّ

عا إسمو انْسمِتْ.

*

أبوظبي ـ 18 نيسان 2010