طْلِعنا سوا في الباص

طْلِعنا سوا في الباص

شحادة ناطور

طلعنا سـوا في الباص صبحيّـة

وما كـان تقْعد غيـر عَ قْبـالي

حِكْـيتْ معــاي بِكـلّ حنّيـِّة

تسألعن الأخبـار واحْــوالي

وبحّـةْ نغم في الصوت مخفيِّـة

فيـها موسيــقى ونغم مـوّالي

وعيـون مثلالبـدر  مضويّـة

وهـالِةْ كِحِلْ عَ رْمـوش بتلالي

طلِّـة قمـر  وخـدود ورديّـة

واْمْـواج شعرا بفيـض شـلالِ

ما كـان فيـّي زحْـزِح عنيّـي

وما كان شكلا يْروح  عن بـالي

مـالت بجسما تْشـوف شو فيّي

ويمكنقصدها تقـول شـو مالي

عم ينحشـر فستــانها  شويِّـة

وازْرار عم بـِتـْشـدّ ع غـلالة

يمكن ضايَقهـاالحرّ صَيفـِيـِّّـة

والحـمّ عم يسـري في أوصالي

وبْلـَعتْ ريـقي وقلت  يا بْنيـِّّة

دخلِك دخيـلِكْ  إرفِقي بْحــالي

شـدّت بإيـدا خيــوط ملويِّـة

ع حفـاف صدرا تشدّ طــوّالي

وزوج زغاليـل  زغـار محميّة

جـوّا القفص  ع شْبـاك شيّـالة

عم ينقـروا ويخـزّقوا الطـّـيّة

تا يفلتــوا  مْن قْيـود كبَّــالة

تمّيتصــافِنْ زَغـْزِغ النيِّـة

والنـّـار  عم تحْرق على ذْيالي

وقــامت بِخفـّة دمّ عفـويِّـة

وتقــول بدّي شـوفأشغـالي

مثـل الغـزالة  الـواردة الميِّـة

هفّت  بريــحة عطرها الغـالي

ظلّيـت قــاعد ما بقـى فيـّي

وبْقيـت وحـدي صـافن بحالي

وصوت الشوفيـر يقول: يا خيّي

آخـر محطـّـة مـا بقى تالي.