بدي ع نار جهنّم اتْقلـّى

بدّي ع نار جهنّم اتْقلـّى

شحادة ناطور

ع الصبح جـايي صبِّـح الحلويـن

وقلهن يا أحلـى صبح واسْتفتـاح

ريـحة كعك والعطر عم بيفــوح

وعم يمتـزج في بنّـها الفــوّاح

وْقِفِـتْ بينـاتُـن أنـا حيــران

الريـق يدْلـع  والنّـفِس تنسـاح

قالت: عازِمْـتَك ع كعكِـه كْريـم

وفنجـان قهوة من إيْديـن مْـلاح

مدّت إيديـها تـْقـَدِّم الفنجــان

وْبسمِة غـزلع شْفـافها المْـلاح

شدّيـت إيـدي عـا صـوابعهـا

حسمس عليهن والفـكـر سـوّاح

شدّيـت.. قـالت: قهوتـيسخنة

من دون سكّـر  هيـلهـا فـوّاح

قلتلّـها: الْبيـذوق طعـم الحـبّ

ما عـاد قلبه  يسْلـم مْن جـراح

عمْ بتْقُوليـلي قـهـْوتـِك مـرّة

ومِن حرّهـا  يمكن يِجيـني قْراح

هالقهوةِ  اللّي مُـرّهــا بْيحلـَوّ

تـَتْصير  أعذب من شذا التفـاح

والكعك يا اللّي بْتِعِجْنـي بيكـون

طعمُه حلـو  من ريـقك الفـوّاح

معكِـلّ جغمـِة برْتِشف منهــا

بسكَـر كأنـي بحْـتِسي الأقـداح

مَاْ بْعـود بِصْحـى والوعي بيغيب

وبْصيـح أعطيـني الخمر والرّاح

تاضلّ إرْشف مِن رحيقـك وِاْرْتوي

وإرجع لعمـري اللّي حَسَبْته راح

حاسِسع حـالي  رْجِعِتْ للعشرين

عمر الصبـا والكيـف والأفـراح

والولدنِـة والعمْشقَـة ع سطـوح

نملـّيالحـارة شيطنة  وصْيـاح

ما يضلّ نوع مْن الشقاوة  يفـوتنا

وْلا نوع من لعب الكرة  والحـاح

ولمّا بْتمرُق شي صبية بْنِحْـتِفـي

بْشِعر وغزل في حِسنها الوضّـاح

ونضلّ نتغـزّل بِكحـل عيـونْهـا

ونِسْكـر ع ريحة عطرها الفـواح

ما عـاد فيّي مِن سكِرْتـي قـوم

إبقي معي..  تـَ نْعوّض اللّي راح

إبقي معـي يا حلـوة الحلـوات

من قهوتك  نشرب سـوا أقـداح

خلّـي شفـافي تِنْكوي من نـار

لاتنطفـي من حَـرِّك اللفّــاح

ونضلّ نتقـلّب ع جمر الشّـوق

إنـت وأنـا تتعــانق الأرواح

وْما همّلو قـالوا إبن خمسيـن

يعشق صبيـة  قـدّها لــوّاح

الختْيرة في القلب مش في الشّيب

لو شـابشعري هالقلب مرتاح

حـوّا خلقها ربّـنا تـَ تـْكـون

آية جمـال وحسن واستمـلاح

من حسنهـا آدمتـرك جنّـات

أعطى لنفسه عِذر واستسْمـاح

وِاْنْ كان آدم عالعصية ما وعي

وما قِدِر يِكْبح  لَـشَهوتُهجماح

غمّض عيـونو وقال ما فيّي بقا

أصبر وقـاوم نار  عم تجتـاح

وِاْنْ كـان هالجنّة  ما فيهاذوق

طعـم العسل وحـلاوة التفـاح

بـدّي ع نـار جْهنـّـم اتْقلّـى

وْمِن إيـد حوّا استَذوِق الأملاح.