بمناسبة عيد العشاق

بمناسبة عيد العشاق

شحادة ناطور

عم تسأليني بموسم العشاق

أيّـا هديّة بحبّ تهديني

وإن كان قلبي ع الوصل توّاق

ونارالوجد والشوق تكويني

بدّي يا حلوة تبرّدي الحرّاق

ومن نبع ريقك دوم تسقيني

ما عادبدّي لا ورد وطباق

نفسي شفافك دوم ترويني

ما بريد منك لا هجر وفراق

ولا ناس تدخلبينك وبيني

وقضّي اْوقاتي بلهفتي مشتاق

ناطر ع ضوّ القمر تيجيني

قولك يا حلوةهالعمر سبّاق

والشيب صار اليوم يغزيني

يللا نقضّي هالعمر في عناق

وتبقي ع جنبي وماتسيبيني

وكل ما بعدنا قلوبنا تشتاق

ضمّك لصدري وقول دفّيني

ولما بينعس لحظك البرّاق

تقولي تعبني السهر غفّيني

shhadi_natur@walla.com