ياريت فيك

ياريت فيك

جولييت بدر

           ياريت فيك

           تْواجه الإعصار

           ياريت تبقى

           بقلب متل النار

           ياريت ما تسقط

           متل ورقة

           بأيلول

           دبلت وارتمت بالدار

التوليب أزهر

لوّن وْرودو

شعشع فرح

واحمرِّت خدودو

وتعطرّت

حاكورْة الأيام

بنسمة حلا

مرّت على حدودو

كيف العمل

لو نشفت الميّة

والريح هاجت

متل جنيّة

فراشة هوى

حامت ع وجّ النور

ماتت عشق

بحكاية منسيّة

ضحك القدر

لَزهرة الصبّار

بْصحرا الوقت

لمعِتْ متل نوّار

فاحت عطر

وِسْع المدى والكون

لبست قميصا

الأحمر الفوّار

مينو اللي قال

الحب ريح وْنوْ

الحب ومضة أمل

كَـنّـو طلوع الضوْ

شاطىء حياتك

كل غمرة حبْ

بتنعش رمالو كتير وبيحلَوْ .