رح تكْسُر الجرّة

رح تكْسُر الجرّة

جولييت بدر

تْمنّيت حبّي يْكون

شقْوة طفل ملعون

يْغلّ بْقلب مفْتون  يْهَفْهِفْ مِتِل غرّة

هالمَرّة يامحبوب

 كرْجِتْ نْزول دْروب

متْل الشّمع بيْدوب بِدْموعو يِتْعرّا

جوّا القلب خلّيت

دمعي ولا ملّيت

متْل الشمس ضلّيت  بغْصون مِشْقرّة

بسّ الطّرق بالكاس

ع كعْب هالإحساس

خلّى الأمل وسْواس  صار الحلم ضِرّة

حبّي وْدفا وْلوعي

 شمسي اللّي بضْلوعي

غرّقّتا بدموعي  بْغيبات مصْفرّة

زيتونة ما بتْزيْح

عمرا ماهابت ريح

من كتر هالتّجريح  ضيّعنا الِمْسَرّة

سرّبتْ بطْموحي

طير بْسما روحي

كتْرِت معو جْروحي  آهاتو شو حَرّة

بتقول يا هيمان

قلبك وله مليان

من كتر هالحرمان  رح تِكْسر الجرّة