روقي يادنيا

  روْقـي يا دنيـا... واصْبِري عْلـَيّي خللّي الْغَفا يِسْرَح بِعَينَـيّي خللّي النِّدي يْسَقْسِق عَلى الوردة دِبْـلِتْ حزينة وْغَلْغَـلِتْ فِـيّي روقي تَ إرجع إفْرَح وْغنّـي روقي تَ خلّي كوخْنـا جنـِّة روقي تَ إسْرَح بالحلم مـَرّة خللّي حبيـبي يرتِوي مِنِّـي روقي تَ شوف الحلم عم يِكْبر روقي ت إنسى اليوم الِمْعكّـر روقي ت إرجع بالعمر طفلـة أحمل معي قضّوضِة الزّعتر روقي تَ إرْجع إسمع غْنـاني وْخَشْـخَشِة أوراق يِبْـسانـِة تحت الشجر بالغاب والبستـان زْرازيـر وشْحاريـر عِشْقانِة روقي تَ إسترجع صُوَر سِتّي تحكي قصص والدنيـا بتْشتّي تْخبّي الأميرة بْحِضِن شي دغْلِة وإسرح أنا وعم إحلم بْتَخْتـي روقي تَ تِرجَع بَسِمْتي لَـيّـي وْيرجع حبيبي يْبـوس عينيّـي يِحْمِل معـو لهفـِةْ عِشِقْ أوّل تْعَرّفْ عَ حـالو بين إيْديّـي