قـَلـِّي اسْهَـري

قَلِّي اسْهَري

تا تِنْعَس النّجْماتْ

بعدو حبيب القلب عا وَعْدُو

رح إسْهَر

وْقَطِّفْ شذا حْكاياتْ

وْرَشْرِشْ عبير الورد عا خَدُّو

بَلْكي السّما

بِتْخَفِّف الغيْباتْ

وِتْمِدّ جِسْر الشّوق مِنْ وَجْدو

أوصل أنا

واللّيل عَ فْراشـاتْ

وآخُدْ شِيْ غَفْوِة هَيْك عا زِنْدو  

وْلمّا الصّبحْ

 بـ ِ جَهْجِه شْعاعاتْ

وِيْلامِس بْخَدّو الأرِضْ حَدُّو

تْوَعِّي عْيوني

لَفْحِة النّسْماتْ

وْيِتْوَحْوَحْ اللّهفان مِنْ بَرْدُو

جَمَّع غَطا

مِنْ عِطْر هالوَرْداتْ

وْمَعْهُن رْمُوشِي يْصير عا قَدُّو

إرْعى النُّجوم

وْأحْرُس الْغَفواتْ

يوعى الحِلِمْ اْلْلِي بْأوَّلُو بَعْدُو.