غاب القمر

ضِحْكِةْ طِفِلْ

فرْحان

طيْبِةْ نَبي

بإنسان

حِكْمِةْ

مِتِلْ لقْمان

نوَّر حياتي وْهَلّ

زْرَعْت بْطَريْقُو

زْهُورْ

زَنْبَقْ

حَبَقْ..

مَنْتُورْ

بْعَتّ الْقلب

عصفورْ

مَرْسُولْ حُبّ يْدورْ

بين السّفِحْ والتـّلّ

حامِلْ

مَشَاعِلْ نورْ

كَمْشِة حَلا وْبَخُّورْ

حتّى حَبيبي يْزورْ

وْجُوّا عْيوني يْغِلّ

وَيْنَكْ

يا وَهْج الْماسْ

يا سارِق الإحْساسْ

فاق الورد

بَكّير

وْبَوّسْ خْدُودُو الطّل