غاب الحلم

لا تِسِرْقوا مِنِّي الْحِلِمْ

خَـلُّوه بعيـوني

بْعـادْ .. وْجَفَاكُن سيفْ

عَمْ يِجْرَح جْفُوني

كان الْحِلِمْ مِتْل النِّدي

يْسَأْسِىءْ أملْ

ويبْتِدي بْحُلْو الْغَزَلْ

ياريتْ فِيِّي ياعِمِرْ رَجِّعْ حَنين اللّي اخْتَفى

واللّي بْعَهْدُو ما وَفى

وإرْجَعْلُو إتْمَخْتَر مِتِلْ نَسْمِةْ صَبا

وْتِتْلوَّن حْكاياتْ

تِتْرَقْوَص فْراشاتْ

تِسْكَر عِشِقْ عَ تِمّ زَهْرات الرُّبا

وْتِرْجَع لَشِعْري فَورِةِ جْنوني.

لَيـش الْحِلِمْ بيْغيـبْ؟

سِهْمي

ماعـَاد يْصيبْ

"كْيوبيدْ" وحْدو كان يِحْرِسْني

يِغْرُز سْهـامُو مْليـحْ

ويْصِدّ صَوت الرّيـحْ

صار الحِزِنْ مِتْل السّجِنْ

بِمْغـارَة يِحْبِسْني

كَسَّـر سْهَـامُو الْغـدِرْ

حَرْوَق ضْلُـوعو القَهِرْ

وِتْجَرْوَحوا الـورداتْ

نَزَف الْحَنيـن وْلـُوعْ

صوت العتب مسموعْ

عَمْ يِرْفُض الْخَيْبـاتْ

يا ناطْرين الْوقْت .. لَيْكُو الوَقِتْ جايي

بَسّ الْوعـِد بَيـْرَق رعِد ..

شَمْسُـو مْخِبَّايـة

يـاورد لا تِحْـزَن

وِلْعِـت شْمُـوع الْحُبّ

رَحْ تِضْوي كِلِّ الدَّربْ

رَح تِنْمحى الْعَتْمِة

وِتْـنَوّر البَسْمـِة

وتْبَلـِّش مْشـاويـرْ

عَ دْروب الِعْصافيـرْ

ونْـلَمْلِم النّجْمـاتْ

تَ نْعَمّد النَّهْـداتْ

بِجْرُون الِحْكايِة ..

وْهِيِّي مْضُوّايِة