بحبِّك ع السّكت

بحبِّك ع السّكِتْ

باسم القباني

ألله ساكْبك سكبة فريدي

شمعة ...

تِنْضويــلي بْليـل عيدي

فيكي بحلم

وْأنتي قبالي

يا دلِّي !!

كيف لو كنتـي بعيدة ؟؟!

نظر عيني ..

عَليِّي كْتير غالي

لعينيكي ..

صِفي سـاعـي بـريـدي

اذا ما بتفهمي عليه الرسالة

دخيلك ..

شو بقى بيطلع بِأيدي؟!!

أنا بحبك

تـَ قـول بْصوت عـالـي

كنت بقــولها

وْبِطْفـي وَقيــدي

لكن

بفْزع عْليكي الأهــالي

تفيِّق أيّْ سمعة مشْ حَميدي

وبفزع من حكيم يشوف حــالي

لأنـّو بْصورتـِك سكَّـر وريــدي

يفتح قلب ع الحرمان غـالـي

وْعِنِد ما يْشوفك يْبَلِّش حسيـدي

مَلاك رْسمتِك بْصدْر الليـالي

وْكَتبْتِلـِّك قصيـدة من نهيــدي

تـَ غنّيها لِكي

وْيرْتـاح بــالي

القصيدة بالعشق أسمـى رسـالـة

نْشالله بْتفهمي حروف القصيدة.