عصفــور
عصفــور
باسم القباني
مْسكْتو
مبيّن بالقوى منهــوك
سألتو:
شـو يالـلّـي صــار
خـبّـرنـــي
تـْأخـّر تـَ ردّ
شْـويّ حيَّرنـي
وقلّي:
لا تسأل كيف تـَ عرُّوك
بيِّي الـْ على إيديه كبّرني
وقلّي انتبه
لــولا البشر غـرّوك
وفي فـخّ
مِنـّـو كتيـر حذَّرني
وحتى ما إسأل بعد جيَّرني
قلتلو: في نـاس بيحبـّوك
قلـّىالشّقا عَ الهمّ صبَّرني
في نـاس
إنت بْتعرفُـن ربُّوك
وحظّي بدرب الغاب سيَّرني
صوتي الحلو..
هـوّي اْلْ دَّمرنـي.
قلتلّو
بالخردقة صابوك ???
قلِّـي
إذا بتريـد طيِّرنـي.