بخاطرك لعيون الوطن

بخاطرك لعيون الوطن

باسم القباني

بكرة مسافر موعد الهجران صار

ما لِحِقْ عصفور حبّي يْغطّ طار

سنتين عنِّك كيف رح ببقى بعيد

وعنك ما بقدر إبتعد مدِّة نهار

لا تنطري رْجوعي.. رُجوعي مش أكيد

ولا تضّيّعي عمرِك ع شاطي الإنتظار

و كلّ ما عَ بْلادنا بيمرّ عيد

قولي لأمي: تلفَن وقلّي خْبار

عايش سعيد و ما حدا قدّو سعيد

عيد اللّي جايي يمكن يْزور الدّيار

الأم الّ بِتِدْعي الرّب ت تضّم الوحيد

بيطول عمرا قدّ ما الدولاب دار

وْعا حيّنا لو زارنا زاير جديد

وصفي جار وجار حلّ مْحل جار

قولي إلو قبلَك سكن شاعر عنيد

لكن عليه الدّهر سجّل إنتصار

ولو تسمحي يا حلوتي منِّك بريد

قطعة قْماشِة من حلا هاك الإشار

تا لِفّ منها عا زْنودي بْكلّ إيد

ولو يسألوني مْنين.. عنها رح بقول

مِن مَزار الحبّ.. مِن أطهر مَزار.