حكـاية بو جرجـي....
حكـاية بو جرجـي....
د محمود إسماعيل خليل
إسمح لي د. إياد أن أستعير منك (بو جرجي ـ الوطن)
مهداة لكل الشهداء في الوطن الغالي شرقاً ومغرباً
لك د. إياد فالمزنة الأولى هي التي تعلن الشتاء....
(بو جرجي)
حكاية من بلادي
و بلادي مليانة (جرجي)
بيـّي قلـّلي إسمو (حسين)
و إمـّي قالت: بِاْجْرو عرْجة
ناس الـْ قالوا : إسمو أحمد
كانوا ينادولوا الدّكّنجي
و في ناس يقولوا: (معروف)
و الصـّنعة كانت كِنْدَرجي
كان بْإيدو يحمل سلـّة
و بالسـّلـِّة في إشيا حلوة
و لمـّا يْطلّ
صْبايا الضـّيعة
يلاقولوا بـ ِأحلى كرجة
و جدّي خبـّرني
من ظِغري.... قلـّي:
السـّيف بإيدو فِرْجة
جيش العِصْملـّي بيشْهدلو
و بعدو إسمو بْساح المرجة
و قالوا: حارب جيش فرنسا
و خرطوشو.... رعـّب الِفْرنجة
جمـّع كل ّ ولادوا و قلـّن:
يا ولادي:
هالأرض بيرخصْلا الدّم
و الـْ بيقصـّر ما هو إبني
و أهون إشرب كاس السـّم
و لا يقولوا: الموت بْيرْعِبني
يا ولادي:
الـْ بيفرّط بـِ أرضو خاين
و الـْ ما عندو أرض بينذلّ
و أهون إخسر كلّ ولادي
و لا يقولوا : خاين بو جرجي
و لا يقولوا : خاين بو جرجي...!