متـــل السـّـهر
متـــل السـّـهر
لحبيب القلب مفيد مسوح
كل عام وأنت ورفيقة دربك وعائلتك الغالية بخير.
فصح مبارك لك ولجميع الغوالي في جماليا الحبيبة.
د محمود إسماعيل خليل
متل الســــــّهر
بيـدوب..... نقطة و حرفْ
بيقفى
متل شمع الحكي....
بين النــّحو و الصـّـرفْ
وقطوف...
و قطوف عبــّي
حـِرجـَك مواويل...
بيحلا على أمّو العنب
من قبل ما العنقود
غــضّ الطـّـرفْ
بيت القصيد
الـْ غـِفي عَ كتافو
بيضحك
متل تين الكـَــرِمْ
مبسوط عَ قطافو.....!
بـْ كرم العمرْ
العنقود ما بيحلى
إلاّ إذا نيسان ضمــّـو
و بوّسْ شفافو....
خمســين....!
و مين اللي قال:
القلب بيختـــــير....؟
و شو همّ
فلّ العُـــمرْ... و يكتــّرْ
كلـْـــما كــبرنا
يا حلو منحلى
لمــّا العمر
بيصالْ لحفافــــو....