عاقَدّ ما صلّيت

عاقَدّ ماصلّيت

باسم القباني

من يوم ما مِن ضيْعتك فلّيت

إسْمع يا ولْفي

شو جرى فيّي..

صفّيت تايِه

بين بيت و بيت

متلالـْ غِرِق جوّا شِبِر مَيّي

حبيتك

و ما في حدا حبّيت

قدّك يا ولفي

عن صفا نِيـّة

وعِمّرْتلَك من ضِلِعقلبي بيت

و ما سْكنْت

إلا بْنور عينيّي

وبغفى غفلة ..

و ألِف يا ريت

لُوْبْقيت غافي أفضلعليّي

ما كنت أوعى و شوفك تخليت

عني و عَ غفلة طِرْت من ديّي

و يوم ما فلّيت

أهل البيتكلّن

عليّي

تكاتـَفو سْويّـة

بيّي يْقلّي: غيرها ما لْقيت؟

فتّش يا ابني..

الحب حرية!

وأمي إلي بتقول:

ما حنيت؟

تْكاتِف صبية بْوقت عصْرية!!

و سِتّي إلي بتقول: ما تْرجّيت

بْوقت الصلا تخميـن

يا بْنيّي

لَو بالصّلا تاتْشوفها تْمنّيت

شِفـْتا بأحلام الماوَرْدية

غلطان يَمّي اْلِ اْفْتَكر ما شْقيت

عابعْدها

و اسْماع يا بيّي

ما بْقول أني مْن الصّلا مَلّيت

بسّ اتْركوني ما بَقا فـِيّي

تاشوفها ..

عاقَدّ ماصلّيت

صفّيت متل الشيخ و الرّهبان ما عاد تمْلي بنْت عينيّي