حــــلاكـــي

حـَـلاكـي

باسم القباني

قلبـي خفـَق لَيكـي وْعُـيوني تْنـَبـّهـو

لمـّا دَخـَلـْتي وْنورِك عْليـنا انْـتـَشـرْ

لا تْفكـّري فيكي القمر رح شَـبّهـو

أجمل قمر

تاشـَبـّهو فيـكي

فـَشـَرْ

وْلا تـْفـَكّري عـْلـَيكي أنـا عَمْ بـِفْتِـري

 مَاْ القَمَـر نِحْنـا مْنَعرْفـو:

صخر وْ حجرْ..

وْ إنتــي!!

حـَلاكـي بْحـَلا فِكْـرِةْ عَبْقـَري

انْسَكْبـِتْ معـُو

مِن بعد شـي سـاعِةْ ضَجـَرْ.