عيونِك .. والحزن

عْيونِك .. والحزن

الشاعر المهندس زاهر حدو *

وحتّى عِنِد مَاْ بْتِحْزَني

بعيونِك الدّمعة
مِتِلْ زهرِة لوز
بلّلْها النّدِي
مِتِلْ دمعِة ضوّ
ع الشّمعة
مِتِلْ نجمِة.. واقعة بالمَيّ
مِتِلْ وردِة .. مْفتَّحَة بالفَيّ
مِتِلْ ضيعَة نايْمِة تحت الضّباب  
حِزْنِك مِتِلْ حِزْن البحر
عنْد الغِياب
لمّا بيْصيب الشمس
خمر وْ وَهج
مِتْل السّما
لمّا بْتِبْكي  
تلْج
عْيونِك عنِد مَاْ بْتِحْزَني
مِتْل الوتر
لمّا يْحِنّ اللَّحِن
فيهُنْ شِعِر
أكتر ما فيهُن حزنْ.

·       مشتى الحلو - سوريا