دروب الصّـلا

كان المـدى مْبيّن طـــريوْمبلــول

مخايِل وَرا الغيمات مـــتل الطّيــف
كان الزمـن.. أول شـــتيبأيــلول 

وْتحـت الشتي بِتْشمّ رِيحِة صيف

وْعَ دْروب نِعْسـانـِة هجَرْهـاالورد

بْغَصِّـةْ رَحـيـل الطّيـر مَجْبُولـِـي
بكّرْت إصْلـي عَ طريـــقالبرد

وْإنطــر قصيدة شـِعر أيلولـي

وْهَونيك عَ القِمّة .. المـَدىقـْبـالَك

انْمدّيت إيـَـدك فـيـك غـيـمِـة تْزيـح
بِتْحسّ إنّــو طـْلِـعِت مـِــن حـالك

وْ ِصـرتْ شقفِةْ مْن الأرض وِالرّيـح

وْمِن صوت هالريح الـْ بِطُول وٍعَرْض

تـْغِــل صَوب السّـهل ....وِتـْعَـلّـي
بْتِشـْعر بِرِهْـبـِةْ آلهــات الأرض

لـمّا الطبـيـعـة تبلّــش تْصلـّـي

فـَوق السـِّنـِديانـِـة وْراق الخِـضـر

وْتحتا الـوَرق مِصْفـَرّ عَ الـتّجريح
مشْـوارهالورقــات قِصِّة عمـــر

وْبيناتْهُون شو الفَرِق؟ هبّة ريـح

وهَونيـك صَـخرة قـاعْدِة عَ حْيـاد

يـِمْـكِـن صَـلابـِتْها الـزّمَن لـَيّـَن
قـالت كِنت صِحْبـة أنا وْصياد

شو حْكايـْتو مْن سْنيـن مابـَيـَّن!!

وْبـيـن الـوراق بْفـيـِّة الصَّخــرة

زهرة .. كأنّو شي حلمهــــربان
مِـتـل الطفــولة البـاقيـة ذِكـرى  

هالورد ذكرى البرْدعن نيسان.