"جماليا" ووْرود شامِيِّـة

جمـاليــا وورود شـامية

مفيد نبزو

قدّمت أسرة تحرير الموقع باقة ورود

إلى الشاعر الصديق مفيد نبزو

تحية له على قصيدته "جوهر قلبي"

فردّ الشاعر التحيّة بأحسنَ منها.

جماليـا، يا نْجـوم مضويـِّـة          سحْر وحـلا وأحـلام ورديِّـة

جنـَّـات  كل حـروفها آيـات          وْلوحــات من ألله طبيـعيـة

وْكِلْمـات للإبـداع شو كِلْمـات          بتـْطيـر عَ جْـوانح الحريـة

بِتْفَلْفِـش مْنِ الليل هالظلمـات           تـا تِخـْلق مْن الفِكـر جنِّيـة

هْدِيتا الفصيح من الشعر نفحات          وأحلى قصــايد شعر محكيـة

هْدِيتـا مْنِ العنقـود والكَرْمات           كاســات  نشوتهـا إلهيـّـة

واليـوم  هِدْيِتْنـي مْن الوردات          بــاقة ورود مْلوّنِة ومْعَطّـرة

يا فرحتـي  شـو كـار الهْديّة          لو مـا تـْكون ورود شـامية.