خيــانة
مانِت على حبات عمري و غرَبـتْ
مونة كريم بذروة الحرمان .... مان
و كتفي حمل اوزار حب ال سافرت
و قنطار حزن من الأوزان .... زان
صنت الحلم بي يـوم مـرة نلتقـى
أكتر من الفلاح للأغصان .... صان
تفاءلت بالشجرات و بزرقـة سمـا
ولو سرب فيها من الغربان .... بان
حامـل قلـب عطشـان للنظـرات
آن الرجوع الحلو للظمـآن .... آن
و مرة بليل الشوق قمت و فكـرت:
ميعاد رقصي بموعد الألحان.. حان
اركب مع الغيمات بابـور الهـوى
سافر لعنـدا وبالإمكـان .... كـان
تعمشقت عالنجمات ناطر هالهـوى
تاري الصعب عالولهان .... هـان
ناطر شـي دخنـة تـدل عالبابـور
تفاجات هالبابور بو دخان .... خان
------------------------------------------------------------------------
البابور: تسمية شعبية قديمة للقطار