حبّات مسْبحْةِ الصّلا

حبّات مسْبحْةِ الصّلا

طوني شلهوب

شو هالمدى جسمك!

ومطرَح ما ابتدى

مدري انتهى!

عمْ يلتِقوا شفافي بحدا...

بيشبه عشر حبات

من حبّ الندى...

هودي صابيعك! بعْرفن...

ما أروعن

ما أنعمن هونيك

ع طراف المدى...

بحسّ عم يحكوا معي

وعم إسمعن...

هاتي صابيعك عا شفافي عالهدى

تا صير متلن،

وشوشة إحكي معن

انْمَا كـان صوتي وشوشة،

بيوجّعن...

هاتيهن ب دَيي، تحت أمري

تا لاعبن ... تا مـازحن

ومن بعض لما بطرحن

بيطلع شي عشر سنين من عمري

راحوا سدى!

وبحسّ إ ني مضيعن...

لا ... لا ... ما بدّي يمرقوا سنيني سدى

ولا ضيعن...

برجع صابيعك بجمعن

بيطلع كفر تـاب، وعلى ربُّـو اهتدى

ب إيدوعشر حبات

مسبحةِ الصّلا

وربـّو

إله من الحلا...