شوفي الزمن - قصيدة بالعامية

شوفي الزمن

مفيد نبزو

كنتِ حنونِة وْصورْتِكْ بخْيـالْنا

شوفي الزّمن من بَعدْ شو سَوَّالْنا

ياريت جيتِ تِسألي عَ حْوالْنا

كرمال يَلّي كان.. مو كِرْمـالْنا

شِبَّـاكُّنْ مفتـوح كان شْمـالْنا

وأمِّك الحِنْطَة تْغربِلا بْغربالْنا

وْغسيـل أمِّك تِنْشرو عَ حْبالْنا

وْكنـّا نْقاسِمْكُن يـَ حِلْوِة غْلالْنا

وْياما مِشُوا عنْزاتـْكُن وِسْخالْنا

وْياما رَبَطْ بَيـِّك البَغْل قْبالْنا

وْقدّيْش قِلتِ عَ السّطح نِيّـالْنا

وْخَدْتِ حِرِج ميّال من ميّالْنا

وْمَاْ بْتسْألي!! لا تسألي..

ما عـاد في شي بْبّالْنا