طــاقـة
طـاقـه
إلى السيّدة سوزان ضو..
القلم الذي أسند رأسه إلی صدر الجمال في العشاء الأخير
د. إياد قحوش
الأرواح ليش كتير مشتاقه
تاتترك الأجساد
بخْناقه؟
ويمكن بلا خْناقه، على المفتاح
بتِكْبس
تَ بِِلْ المجهول نتلاقى
الأرواح شو هيّي ؟
وهم ؟
أشباح ؟
خْيالات ؟
نار مخزّنه طاقه ؟
أحلام ؟
أو أفكار فوق رْياح
فوضى الضعف بتصير خلاّقه ؟
مْن الأرض
كيف بتطْلع الأرواح
والأرض طاقه زغيّره بهالكون
والموت طاقه بقلب هالطاقه!