حبّنِمْرة والقـدود
|
حبّنِمْرة والقـدود د. إياد قحوش جنّه ياحبْنِمره .. يانهر الليل صــارْ اسمك شمس والكون من حولك نهارْ والبحر حدّك طفل .. عربش عالْجرود يْحوّش غْصون الرّيح ويْكوِّم غمـارْ والصّيف فيكي بنت نعْوشها البْرود بتشكشك بْشعر العتم باقة قمـارْ بْتِبْكي ندي بيضوِي شفق فوق الْخُدود بيحمّم بنورو زهـور الجلَّنـارْ ياحبنمره خلف عينيكي الشّرود بيمرق صحاري شعر بيصفّي خَضارْ بيجنّ فيكي الوقت بيسنّ الخلود عَ مْسَنـِّك بيحْرق سنين الإنتظارْ بيرسم حدودك مجد وبيفتح حـدود مجدك قصر شال الأبد إكليـل غـارْ تاغار مِن قدّك نغم غنّى قـدود نزلت وحي ع جنّتك طلعت بخارْ سقسق ع دلب الدّهر تانخّ الوجود وكلّما مرقْتي يْرِشّ ع تراب اليقين الفيكي زهور الشكّ تاياخُد قرارْ. |
|
حبّنمره قرية جبلية من قرى وادي النضاره في محافظة حمص – سوريا وهي لصيقة مرمريتا (قرية الشاعر الدكتور إياد قحوش) وتوأمها ولها معزّة خاصّة في نفسه. |
|
|
|
باسم أهالي قرية حبنمرة نشكر الشاعر الكبير إياد قحوش ابن مرمريتا وحبنمرة وفارس الوادي السوري العملاق. |
|
|
