ملحمة الحب
نْ فِتِّـي عَلَـى بيتي يـا بَنُّـوتـي
بْيِقْلُبْ قَصـر سـاعِةْ ما بِتْفُوتـي
وْمِنْ خاطْري بيْسَـرّب الشيطـان
وِبْتِـقِعْـدي مَلْكِه بِمَـلْكوتـي
***
ناطـِر إلـي ومِـن عَهـد أوّل آخ
هِزّ البِكـي تامـايْفـيـق صْراخ
وْعاجَمر صدْري حامْيـِه الِسْيـاخ
وإلاّ شَوي حالِـف مابِتـْمـُوتـي
***
وْلمـّا تْفوتـي طَيـفْ مالـو حـرف
وِبْيِجِرْفِكْ جوعي لَرَسمِك جَـرْف
بِتْنَمِّـل النّقطـَه التـَّحْـت الحَـرف
مِن كِبـِر حِلْم الحُـبّ بـِ بْيـوتـي
***
وْلمـّا بْحَـلاكـي بْتِفْشـَخـي جـُوّا
بْيِشْعـل بْقَلبـي الـتّـار مـِن حـَوّا
وْبِقـْطِفْـلِك التـّفـّاح الِمْـسَوّى
بْشجْرِةْ لَهيـبي بـْأرض جَبْروتـي
***
وْإنْتـي وْأنـا عَ سْطَيْحـة الـْمُوّال
نْنّفْنـِف غْنانـي مْدَهْدَكـي بالـبـال
عا ضَوّ لَهْبِه بْتِنْطِفي مْـنِ خْيـال
لَهْتـِةْ طِفِـل بالشّـوب مَلْهُـوتـي
***
وِبْطيـر فيكـي وْباخْـدِكْ مـشـوار
عَ بـْلاد مافيهـا سـِوى الأشـعـار
وْبِصْـفـُنْ بِعَيْنَيـْكـي مِـتِـل بَـحّـار
لاقــى بـِعـَرْض البـحـر يـاقـوتـي
***
وْشـِدِّك عَ قلـبـي وْبـَعـد مـاشـدَّك
بـِرسُـم بِـتِـمِّـي حـِــرْق عـاخـَـدِّك
وْمـابـَيـن بَـدّي وْبـَيــن مـابَــدِّك
تْصِيـري جْديلـِةْ شـَعـر مَفْلـوتـي
***
وْزَيِّـق قَميصِـك عَ القمـر تِزْييـق
وْرِشّو نِدي مِن زَهر شِقّ شْقيق
وِالزّهـِر فيـكـي يِنْبـِهـِتْ وِيْفـيـق
وْإنـْتـي تْفيـقـي فـيـه مَبـْهـُوتـي
***
ولمّـا عَ شَرْشـَف مِهِجْتـِي تْنامـي
وِتْنَزّلي رْخامـي عَلَـى رْخامـي
مــع ضِحِكْـتِـك بِتْطـيـر أحـْلامـي
الْكانِت بِسِجْـن الشّـوق مَكْبوتـي
***
وأرْشُقْ حَنيني عا جْرودِك خَيـْل
وْرِكْـدِتْ بِلَيـل العاصْفـِه وِالْوَيـل
وِسْكوتِـك الواقـِف عَ بـاب الليـل
دايـِبْ شَمِـعْ عـا قـونـِة سْكـوتـي
***
وْبيفيق مِن زهر الأمانـي العمـر
يْلِمّ النّدي الْمابَيـن غَُمْـر وْغُمْـر
وْيِشـْرُد بِعنْقـودِك جْنـون الخَمْـر
وِيْحـِنّ دود الـْقـَزّ للتُّـوتــي
***
وْنِسْهَـر نـْزِتّ الـْورد عَ المَنـْتـور
وْنِحْرُق عَ وََهْج الْعاطْفـِه بَخّـور
وإصْفى وَشِمْ عا شِفّتـِك مَحْفـور
وْتِصْفي بِقَلبي جـْروح مَنْحوتـي
***
وإلْطِي بِعِبّـك مِـنِ لْيالـي البرد
أسرِدْلِـك حْكايـات شَوقـي سَـرد
وِيصيـر حبـِّك وِالسّهـَر والـورد
عـامَدبـَح العـِشـّاق تالـوتــي
***
وعاكِبـر الِخْطِيّـه بْيِجـي عِزْريْـل
يِخْنـُق بِحِقْـدو شَهْـقِـة القنـْديـل
وْمِن مَيل تابوتـِك عَ كِتـْف يْشيـل
وْمـِن مَيـل تانـي يْشيـل تابـوتـي
***