مْوحّد مْتلّت

شو بْحِبّ كلّ نْهار

إخلق بِلَون جْديد

شي أحمر..
عْلا شْفـاف..
شي ليلكي .. شال
انْرسم عَ كْتاف
شي أصفرعْلا غْياب
شي أزرق عْلا موج..
مِنْ غِيّاب
شي أخضر عْلا عْيون
حِلْوِي متل كانون

يْلبِّسْ دَفاها تْياب...

وْما بين لون ولون
غيِّرْ مَسارالكون
إطْلع عَلى درْجي
إنزل عَلى درْجي
غيِّر وْبدّل متل
جُوهَرْجي..
***

الشّاعر إذا تْكَرّر
ما فيه يِتْحرّر
ما فيه يِزْرَع ورْد
بالمِرْجي
ما فيه يِطْلَع
عالسّما درْجي
ما فيه متل العطر
يِتْفلّتْ
انْ ما انْداقخمر
قْصايْدو
مْتلّتْ
مِتِل الله
موحّد .. متلّتْ