حكيم التـّلج - إلى صديقي إياد

حكيم التـّلج

إلى صديقي إياد

عصام يوسف

يا ليل طفّي العتم بتْرَجّاك ..

شو مشتهي إسهر أنا ويّاك !!

و هَيِّ إلي هَالجِرْد أركيلي

و حط القمر فحمه على التِنْباك

......

و مِنْ غِرْبتي بشفافك مْحيلي

قدّيش صَرلي عُمْر بـِستنّاك

لا قِدْرت تْزَهّر مَواويلي

و لا فَـتّحوا جْروحي بَلا أشواك

.......

لوما حكيم التلج يـِحكيلي

 بالجمر.. شوق الشمع للنِسّاك

لا قْطفت من عينيك تِشْكيلي

و لافي حِبر أزرق على وْراقي

و لا في حَبق أخضر على الشبّاك.