مْحَبـِّه

كْبيرِه الشّمس..

- والبحر- لِ مْحبّه

عِنْد الْغُروب بْيِنْطِرا

بيْفَكّرا حَبِّه
بْيِفْتح بْتُمّو بْيبْلَعـا..

..

يا كْبير ياربّي
..

فاض البحر صِلْبان

وْدَلْدَق مِنِ القَبّه
..
بطرس

غِرِقْ بالمَيّ

شَكّ

..

السّما قِبّه

بْتُوسَع نبي .. واتْنَين

وْبِتْغِصّ

لمّا يْفوت "مِتنبّي"

..
بالبحر مافي حدا
بْيِلْبُس تْياب

..

المَيّ

مابْتِقْبَل تْخَبّي..

..
البركان.. جايي بْنار

عم بيْفُور..
مَرْقِتْ عَ ضَهْرُو المَيّ

طفِّيْتُو

تَركِت بْإسم الحبّ

حِردَبّي
..
شُو كْبير ياربّي

..

لَكْ فوتْ..
يامَجْنون
يامَجْنون
البحرانْفتَح

عَبِّي

..
هالدّهر بحر كبير
بسّ العمر
غَبِّه.