السّر

أهلا بالشاعر نجدي حاطوم في جماليا

السّر
مَاْبْيِنْشافْ

لَونُو بْلَون الظّلّ عَاشَفّافْ

لَكِنْ مَ بِيْخَايِـل

وْمَكْتوب بِالْمايِلْ

وْمَاْبْيِنْقَرا بِعْيون

وْلابْينْلِفِظْ بِشْفافْ

تْقيل

وْخَفيف الصّوت

مَسْنُون مِتْل الآى

مَعْقُوفْ مِتل الْقافْ

مْدَوَّرْ

كأنّو الْمَوتْ

جـاع وْأكَلْ حالُو
يمْكِن أكَلْها حافْ

وْتَينام بِخْيالو

قَبّ الْحَكي

لَلّي فيه

وْنام تحت لْحاف

في ناس قالوا

جَنّ
وفي ناسْ قالوا خافْ

وفي ناس بِيْقُولو
شو السر! .. مـافي سرّ

مازال تِمّ البير

طُول السّهر طولو
وعرضو بْعَرِض اْلِكْتاف.