حْكاية السّنْدوق
سَنْدُوق سِتِّي مِنْ خَشَبْ
بَعْدُو بِالِخْزانِه
مِن هالطَّرَف مَحْروقْ
وْمِن هالطَّرَف مَحْلُـول
وْبِيْزَقْزِق غْناني
قِضَّيْت عمْري قول
شـو فيه هَالسّنْدوق؟!
* ** ** *
وْهَلَّق أنا وْهُوِّي
تْنَيْاتْنا هَوْنيْك
وْبِتْشِدّني قُوِّه
تاإفْتَحُو
شو؟ بِفْتَحُو وِبْشُوف .. شوفيه .. شومافيه!!
ياربّ شو بْسَوِّي
قَلْبي صِفِي مَحْروق
شو فيه هالسّندوق؟!
* ** ** *
سَنْدوق سِتِّي مِن خَشَب
نِصّ الدّهب بالسُّوق
ياربّ سامِحْني .. رح إفْتَح السّندوق
* ** ** *
سِكَّرْت باب الدّار
وِبْعَتِمْ بِرْدايـِي
مَدَّيْت إيدي هَيْك .. وِفْتَحْتُو
وْمالْقِيْت إلا .. شَقْفِة مْرايـِي
طِلَّعْتْ فيها وْشِفْتْ
سِتِّي .. وْبِوِجَّا شْقُوق
ضِحْكِتْ وْقـالِتْلي
هَي آخر حْكـايِي
تعليقات القرّاء
Vvery nice.Thank you D.Eyad
Thank you Siba. I am glad you liked it. Eiad .K