حلم في الأصيل!!..؟؟
قالِت: بَحِبَكْ
وْعينْها بالأرْضْ..
وْمالَتْ على كِتْفي!!..
حَسَّيتْ حالي بالسَّما شي طيرْ
وْجاوَبْتها: بْيِِكْفِي
ما كُنْتقْادِرْ صَدِّقْ الكِلْماتْ
قدّ ما عِشِتْ لَهْفي
كانت حِلِمْ عَمْ بَحلَمو كل يومْ
وْعالي عَلى سَقْفي
وْيا ما قُلِتْ..
لَو تُوقف بْها الدّربْ!،
وْتِحْكي معي نِتْفي
أو عَ القَليلي بْإيدْها تْلَوِّحْ إلي
وتِسْتعمِلْ الرأفي
*****
كانت عَلَيِّي كل يوم الصُبْحْ
تِـتَطَلَّعْ
وْتِنْوي
وِالدَّرْبْ عم يِِلْوي
أماما.. كان،
والْخَصرْ.. عَمْ يِلْوي
يا هل تَرَى.. بَعْدا بِصِفِّ الدَّرْسْ،
أو ماسْكِي شَغْلي!..؟؟
رَدِّ القَلِبْ: شو ها السُّؤال الفَجّْ؟
وشو خَصُّو بالْحِلوي؟
يْروح القمر مَطْرَحْ ما بِدُّو يْروح،
ما دام عمْ يِِضْوِي
عُلوم الارض والبدر قبلالشمسْ من نور هالْنِجمي.
***
كانت أذا طَلِّتْأنا تْسَمَّرتْ،
وِبْقيتْ مِسْتنِّي
وْياما حْلِمِتْ تُوقَعْ عَلَيِّي بْيَوم،
وْهِيِّي بْجَنِبْ مِنِّي
حتَّى أهدِّيها وأداعِبْ خَصِرها،
وزيح الْجوى عنِّي
وجايز بإنّا مْن الْخجل تِضْحك إلي،
وْها الشِّي مشْ هِجْني
لِمْهِمْ عِنْدي سِنّها يِِضْحَكْ إلِي،
ويضحَكْ إلا سِنِّي.
***
وْياما حْلِمِتْ أطْلَعْ معامِشوار،
وشو كان من نفسي
وْنِمشي سَوا شْوَيِّي عَ دَربْ بْعيـْـد،
وْنِتْبادَل الْهَمْسي
وْماحْلِمتْ مرّة إيْدْها أمْسِك أنا،
أو ألِمِسا لَمْسي
بْيِكْفي عَلَيِّي كْتافْنا يْدِقُّو سَوا،
كلما طِلِعْ نَسْمي
وْأرْواحْنا مَعْلِش لولا تْعانَقُو،
الأرواح مشْ نِجْسي.
***
وْيـاما احْتَرِتْ أسْألْ إذا بِيْكُون،
قَلْبا عَلَى قَلْبي
وْيا هلْ تُرى بِتْكُون مِثْلي مْلَبَّكي،
لَمّا بْتِجي جَنْبي
وِكْثير كِنْت مْشَوّق وْمَلْهُوف،
أحْكيها عنْ حُبِّي
وْياما سْهِِرِِتْ وحْدي بْهزيع اللّيل،
وْنادَيت..
يـا ربـّـي
قَلْبي وِقِعْ بِشْبــاكْها.. وِعْلِقْتْ،
وِالذّنْب مُشْ ذَنْبي.
***
كانت إلي نِجْمي مْن نْجوم السّما،
رافِعْ إلا كَفِّي
وْياما حْلِمِتْ تِضْحَكْ بِوِشِّي يَوم،
وِالْحِلِم ما بْيِكْفي
لكنْ أنا ما حْلِمْت نِتْقـابَلْ سَوا،
وِتْميلْ عا كِتْفي
وْيِِحْمَرّْ خَدَّا مْنِ الْخَجلْ وِتْبُـوح،
بالسِّرّ مُشْ نِتْفي
لَيْكُون هاالِّلي صـار بَعْدُو حلْم،
بْيِكْفِي بَقَى بْيِكْفي.
****************