زنبق وقنديل وحفَّار

الزَّنبق النّاعم شافْ

مِن حَولْ مِنُّو شَوكْ

ماخافْ

وْما رَدّ  عَ ظْنُونو

تْخَيَّـل الشّوكِه

قَلَمْ حِمْرا.. إجا
وْمَدَّلْها الشّفافْ

بَسّ

شَكِّتْ عْيُونو

وْمِنْ يَومْها صفَّا
أحْمَرْ على شفَّافْ

***

الْقِنْديل نِحْنا

لَيْشْ نِحْنا قْلالْ

انْ ضَلِّ الأمَلْ .. قَنْديلْنا يْزّيِّتْ؟!

مَيِّت .. الْمابيْشُوفْ

بِعْيُونو الْجَمالْ

وْيَللِّي مافيْه يْحِبّ

أَكْترْ مِن الْمَيِّتْ

***
مِحْتـارْ

كيف بْيَعْرِف الْحَفَّارْ

الْواقِفْ عَ باب الْمَقْبَره

- ناطور -
يِرْجَع عَ بَيْتُو يْفُوت؟!

وْمِنْ هالْجَنَبْ .. في بْيوتْ فيها قْبورْ

وْمِنْ هالْجَنَبْ .. في قْبورْ فيها بْيُوتْ.