لجماليا .. بيت الجمال

لجماليا .. بيت الجمال *

زاح القمر مِن مَطْرَحُو

وْعَلَّقْ صُوَرْ

مابْيِنْمَحُوا

بْتِمْشي عَلى الْمَيّ الصُّوَرْ

الْمَيّ بِتْصَفِّي خَمر .. بْيِنْكَبّ عاضَوّ الْجَسَدْ

وْبيصير كِلْمِه بْتِنْعَبَدْ

بْتِقْدُرْ تْهَدِّي عاصْفِه

بِتْشُوف قبْر بْتِفْتَحُو

بِتْفَيِّق الْمَيِّتْ مِنِ حْرُوف اللّغَه

وْبِتْمَلّحُو

تـَ يْضَلّ عَيِّشْ لِلأبَدْ

***
هَزّ السَّمَا

في بَعْد بِكْروم الْوَحِي

عْناقيد .. مِتْل الْجَمِرْ

رَجّ الأرض

تـَ يْفور بَحْر الخَمر

وْفي بَعْد جِنِّيِّه

عَلى شاطي الْخيالْ

بْتِدْخُل بِعِمْر اللونْ

بْتِطْلَع صبايا سِمِرْ

وِمْطَفَّحَه سْلال الْجمال

وْمَكْتُوب إلها الْعُِمر
*****

بالمَمْلَكِي

دَقّ الصِّبِحْ عَ البابْ

زَيَّق الشِّعْر النّومْ

مِن تحت التّياب

وْغابْ

كيف بْتِلْمَحُو

وْيِمْكِنْ .. لَقى الصّوت.. وْحِكِي

وْعَمَّرْ عَ سَطْحُو كْتابْ

وْبِالمَمْلَكي

زاح القمر مِنْ مَطْرَحُو

يِمْكِن وِعِي هُوميرْ

يِمْكِنْ رِجِعْ زِرْيـابْ